BALOZI WA VATICAN ALIYENUSURIKA KATIKA SHAMBULIZI LA BOMU ARUHUSIWA KUONDOKA ARUSHA

Ilikuwa ni dakika za majonzi na masikitiko kwa kundi lote lililokuwa limemsindikiza uwanja wa ndege Balozi wa Papa ambaye ameondoka leo mjini Arusha kuelekea Dar, baada ya kunusurika katika shambulio la bomu lililorushwa wakati akiwa mgeni rasmi kwenye uzinduzi wa kanisa la Mt. Joseph Mfanyakazi huko Olasiti Arusha.

Mwakilishi wa Papa akiwa na Askofu Lebulu akitoka kwenye VIP ya Arusha Airport kuelekea kwenye ndege ya Precision .

Hapa akisaidiwa na wafanyakazi wa Precision kukamilisha dokomenti zake za Usafiri, huku ulinzi ukiwa umeimarishwa 

Kwaheri Mtumishi wa Mungu, tunaomba uje tena tutakapoamua kuzindua upya Parokia Yetu ya Yosefu Mfanyakazi- Olasiti Arusha.

Safari yako na iwe njema, Malaika wa mbinguni wakuongoze!

Hapa anaagana na watumishi wa Mungu na kundi lote lililomsindikiza.

PICHA MBALIMBALI ZA TUKIO ZIMA LA MLIPUKO WA BOMU KATIKA KANISA KATOLIKI HUKO ARUSHA

Hali ya eneo mlipuko ulipotokea
Waumini na wananchi wengine wakiwa na shauku ya kujua kilichotokea

Ulinzi umeimarishwa

Viongozi wa Kanisa wakitoa taarifa ya kilichotokea kwa waandishi wa habari kabla ya Balozi wa Papa kuondolewa Kanisani hapo chini ya ulinzi mkali wa Polisi.

Wanasualama Mkoa wa Arusha, wakijadiliana jambo katika eneo la tukio
Meya wa Manispaa ya Arusha, Mh gaundence Lyimo akielekea eneo la tukio kwa miguu baada ya utaratibu wa kutumia magari kuwa mgumu kutokana na idadi kubwa ya watu na magari yaliyoziba njia.

Magesa Mulongo akiteta na RCO wa Mkoa wa Arusha

Mkuu wa Mkoa wa Arusha, magesa Mulongo akijiandaa kuzungumza na wananchi kanisani hapo na kuahidi kuwa Serikali itahakikisha watu wote waliohusika na jaribio hilo ovu, pamoja na mtandao wao wanakamatwa. Alidai pia vikosi vya Jeshi maalumu kwa kuchunguza milipuko vitafika eneo hilo ili kufanya uchunguzi. Taarifa za eneo la tukio zinaeleza kuwa tayari kuna mshukiwa mmoja ameshatiwa mbaroni na yuko mikononi mwa Jeshi la Polisi kwa mahojiano na uchunguzi zaidi.


Eneo lenye utepe ndipo kitu hicho kinachodhaniwa kuwa bomu kilipoangukia. Pichani unaweza kuona wigi za kichwani na viatu vya waumini vikiwa vimesambaa baada ya wenyewe kuviacha, miongoni mwao wakiwa ni majeruhi.


Mkuu wa Mkoa wa Arusha, Magesa Mulongo akizungumza na mmoja wa mapadri wa Kanisa hilo kupewa maelezo ya kuhusu kilichotokea kanisani hapo.













 

Source:

Blog Mbalimbali

BOMU LALIPUKA KANISA KATOLIKI PAROKIA OLASITI

DURU za Habari kutoka Jijini Arusha hii leo zinasema mlipuko mkubwa umetokea katika Kanisa Katoliki Parokia ya  Olasiti  Jijini humo.

Taarifa zaidi zinasema watu kadhaa huenda wamejeruhiwa. Baadhi ya mashuhuda wa tukio hilo wamesema kuna watu walikuja na gari eneo la Kanisa hilo wakarusha kitu huku wengine wakidai kuwa kitu hicho kililipuka kutoka katika kifusi cha udongo uliomwagwa wa moramu.

Inasemekana kulikuwa na ugeni kutoka Vatican ambao ulikuja kufanya changizo kwa ajili ya ujenzi wa kigango mahali hapo.

Waliokuwemo ndani ya Kanisa hilo mapema leo asubuhi wanasema ni wakati Baba Askofu alipokuwa akibariki maji na kuweka chumvi (tendo la kubariki) ndipo mlipuko ulipotokea.

Inasemekana watu zaidi ya 20 wamefariki dunia licha ya taarifa hizo kutothibitishwa na Polisi.

Jeshi la Polisi halijatoa taarifa yake kuhusu tukio hilo.

HABARI ZAIDI HAPO BAADAYE….
.